شباب في شباب
 
البوابةالرئيسيةس .و .جاليوميةبحـثالتسجيلقائمة الاعضاءالمجموعاتدخول
منتديات العجايبي نت تتمنــي لكــم اسعــد الاوقـات وتقـدم لكـم افضـل شـات في مصـر شات سـان مينــا
شات مسيحي

شاطر | 
 

 هل يوجد حب بعد الزواج

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
maged
رئيس مجلس ادارة الموقع
رئيس مجلس ادارة الموقع


عدد الرسائل : 72
العمر : 31
النقاط : 1
تاريخ التسجيل : 17/01/2008

مُساهمةموضوع: هل يوجد حب بعد الزواج   الأحد يونيو 08, 2008 11:35 pm

هل يوجد حب بعد الزواج بالطبع نعم . لكن كتير بيقولو ياعم حب ايه هو احنا فاضيين من حياتنا ومشغولاتنا ايوه بنحب بعض لكن مش بنظهر دا لانه مافيش وقت اني اظهر حبي المهم عندي الشغل واكل العيش .................. هنسأل ناس كتير من واقع الحياة وهنكتب المشاكل الزوجيه وهنشوف كمان الحياه السعيده وهنعرض كل دا في القسم دا واي حد عنده موضوع يكتب في تعليق او يراسلنا علي البريد الالكتروني .....
هابدأ القسم دا بكلامي مع المهندس جورج ومراته مدام نوره انا سبته يتكلم وسمعت واليكم كلامه......انا جورج 35 سنه درست حقوق في اخر سنه ليا في الجامعه قابلت نوره وحبتها اوي وهي حبتني اوي اوي وعدت ايام كتير في سعاده غامره وبعدها اتخرجت واشتغلت وخطبتها وبعد سنه من الخطوبه اتجوزنا كانت هي لسه متخرجه بدانا برضو في سعاده وحب بدأت خلافاتنا مع ولادة اول طفلة لنا كارولين خلافاتنا بدات وانا المتسبب فيها ودي الصراحه لاني حسيت انها بقت ام وبدأت اضغط عليها في طريقه اللبس هي كانت بتحاول تسمع كلامي لحد ماقالتلي (حرام عليك انا خلاص فاض بيا ) انا سمعت الكلمه دي واتعصبت واتجننت راحت هي لمت شنطتها وسافرت عند اهلها في اللحظه دي حسيت اني وحيد واني في غربه ايوه حسيت وانا في بيتي اني في غربه وفضلت اسال نفسي بعد الحب دا كله نعمل كدا مع بعض طلعت الموبايل بتاعي واتصلت بيها وانا في عيني الدموع قلتلها نوره انتي بجد هاتمشي هنا كان الرد المفاجأه قالتلي ( لا طبعا مااقدرش اسيبك ياجورج انا لسه في صيدليه باشتري حاجات لكارولين والشنطه اصلا هتلاقيها من جوه الباب انا مااخدهاش معايا بس كنت واثقه انك هاتتصل بيا ) اصلي كنت في الاوضه وانا بازعق معاها وهي اخدت شنطتها وخرجت وسابت الشنطه في ركن ورا الباب فعلا في حب بعد الجواز حتي ولو كان فيه خلافات................علي صعيد أخر سالنا مدام نوره قالت اي حد ممكن يختلف لكن الزوج عليه ضغوط اكتر من الزوجه خارج وداخل البيت يبقي الست لازم تهيئ الجو المناسب والمناخ الامثل لزوجها داخل البيت وحتي لو هو اتعصب لازم امتص التعصب دا وسالتها عن موضوع خلاف اللبس ضحكت وقالت لا هو قدر يسمعلي بعد مااختلفنا وانا يعني لبسي مش وحش بس كل الخلاف كان علي البرموده (وضحكت) وقلتلها لو ماكنش اتصل بيكي في اليوم دا كنتي مشيتي قالت لا طبعا كنت هارجع بس انا كنت واثقه انه هايتصل لكن موضوع زي دا مش فيه اي حاجه اسمها كرامه لان دا جوزي وابو بنتي ودا حبيبي قبل مايكون كدا وكمان البيت دا بيتي......(يارب نكون وفقنا في عرض الموضوع موقع العجايبي نت )
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://elagayby-mm.ahlamontada.com
 
هل يوجد حب بعد الزواج
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
العجايبي نت :: أزواج وزوجات :: الخلافات الزوجية-
انتقل الى: